تانیوں کیلئے سفری پابندیوں کے اطلاق سے قبل برطانیہ واپس جانا بہت مشکل ہوگیا

وائنٹ اخبارتازہ ترین۔ 02 اپریل2021 محنت کش پاکستانیوں کیلئے سفری پابندیوں کے اطلاق سے قبل برطانیہ واپس جانا بہت مشکل ہوگیا۔ تفصیلات کے مطابق برطانوی حکومت کی جانب سے اعلان کردہ سفری پابندیوں کے اطلاق سے قبل ہی ائیرلائنز نے اپنے کرایوں میں ہوشربا اضافہ کر دیا ہے۔ بتایا گیا ہے کہ برطانوی حکومت کی جانب سے سفری پابندیوں کے اعلان کے فوری بعد پاکستان سے برطانیہ کیلئے پروازوں کے کرائے بڑھا دئیے گئے۔ بتایا گیا ہے کہ برطانیہ سے پاکستان جانے والے قرنطینہ سے بچنے کے لیے جمعہ سے قبل واپس جانا چاہتے ہیں، لیکن پاکستان سے برطانیہ جانے والی براہ راست پروازوں کا کرایہ 2200 سے 2400 پا ئو نڈ تک پہنچ گیا ہے۔استنبول سے آنے والی پروازوں کے یکطرفہ ٹکٹ بھی 1700 پاونڈ میں فروخت ہونے لگے ہیں۔ مزید بتایا گیا ہے کہ پاکستان اوربرطانیہ کے درمیان ہفتہ وار تقریباً 22 پروازیں چلتی ہیں، ہر ہفتہ 6 سے 7 ہزار مسافر، پاکستان اور برطانیہ کے درمیان سفر کرتے ہیں اندازے کے مطابق 40 ہزار سے زائد برٹش پاکستانی، اس وقت پاکستان میں ہیں۔ دوسری جانب اس تمام صورتحال میں پی آئی اے کی جانب سے اہم اعلان کیا گیا ہے۔ قومی ائیرلائن 6 اور 7 اپریل کو اسلام آباد اور مانچسٹر کے درمیان 4 اضافی دو طرفہ پروازیں چلائے گی۔ ان اضافی پروازوں کے ذریعے برطانیہ سے 1400 پاکستانیوں کی وطن واپسی ممکن ہوگی۔ واضح رہے کہ جمعہ کے روز عالمی وبا کورونا کے بڑھتے کیسز کے پیش نظر برطانیہ نے پاکستان کو سفری پابندیوں کی ریڈ لسٹ میں شامل کر لیا۔ برطانیہ نے سفری پابندیوں کی ریڈ لسٹ میں پاکستان کے علاوہ کینیا، بنگلا دیش اور فلپائن کو بھی شامل کیا ۔رپورٹ کے مطابق سفری پابندیوں کی ریڈلسٹ میں شامل ممالک سے صرف برطانوی اور آئرش شہریوں کو ملک میں داخلے کی اجازت ہو گی، ریڈلسٹ میں شامل ممالک سے برطانیہ آنے والے برطانوی شہریوں کو 10 دن قرنطینہ کرنا ہو گا۔برطانوی میڈیا کے مطابق ریڈلسٹ میں شامل ممالک سے برطانیہ آنے والوں پر پابندی کا اطلاق 9 اپریل سے ہو گا۔ پاکستان میں برطانیہ کے ہائی کمشنر کرسچن ٹرنر نے بھی برطانیہ کی جانب سے پاکستان کو سفری پابندیوں کی ریڈ لسٹ میں شامل کرنے کے فیصلے کی تصدیق کرتے ہوئے سوشل میڈیا پر ایک بیان جاری کیا ۔ انہوں نے بتایا کہ 9 اپریل یعنی جمعے کی صبح 4 بجے سے ان اقدامات کا اطلاق ہوگا۔ برطانوی حکومت نے اس وقت لگ بھگ 40 ممالک کو ریڈ لسٹ میں شامل کیا ہے جن پر سفری پابندی عائد کی گئی